بەرپرسی یەکیەتیی ژنانی دێموکراتی کوردستانی ئێران لە دەرەوەی وڵات و کۆمیتەی نۆروێژی یەکیەتی ژنان لە کۆبوونەوی وەزیری دەرەوەی نۆروێژ لە پارلماندا بەشداریان کرد’.

رێکەوتی ١٩ی جونی ٢٠٢٣ و لەسەربانگهێشتی رەسمی وەزیری دەرەوەی وڵاتی نۆروێژ بۆ پارلمانی ئەو وڵاتە، هەیئەتێکی یەکیەتی ژنانی دێموکراتی کوردستانی ئێران بەشداری کۆبوونەوەیەکی بەرین کە بۆ تەواوی کوردانی چوارپارچەی کوردستان پێک هاتبوو کرد.
سەرەتا لە لایەن وەزیری دەرەوەی وڵاتی نۆروێژ، خاتوو ئانیکن هووتفێلد باسێکی تێرو تەسەلی لەسەر پەیوەندێکانی کورد و وڵاتی نۆروێژ پێشکەش کرد، ناوبراو جەختی لەسەر ئەوە کرد کە گۆرینەوەی بیرو بۆچوونی سیاسی، کۆمەڵایەتی و دیپلۆماسی، بەتایبەت لەگەڵ کوردانی هەرچار پارچە زەروورە، هەر بەم مەبەستە حیزبی کرێکارانی نۆروێژ هەوڵ دەدات کە پەیوەندی لە گەڵ کورد و بەتایبەت ئەو گەلانەی کە بۆ ئازادی خۆیان تێدەکۆشن پردێکی بەهێز لە نێوانماندا دروست بکات.
لە درێژەی باسەکەیدا هووتفێلد وتی، پەیوەندی نۆروێژ و پێشمەرگە زۆر پتەوەو داییم هەوڵمانداوە تا ئەو جێگایەی لەتواناماندا بووە هاوکاریان بوون و لە داهاتووشدا ئەوە پەیوەندیە هەر بەردەوام وپتەوتر دەبێت.
هووتفێلد هاتە سەر باسی شۆرشی ژینا کە لە ساڵی رابردوودا شۆرشێکی بەرینی لە رۆژهەڵاتی کوردستاندا لێکەوتەوە، ناوبراو وتی کە ئێمە بەوردی چاوەدێری رووداوەکانمان کردەوە و بۆ چەندین جار نیگەرانی خۆمان بە سفەفیری ئێران  راگەیاندووە کە ئێوە پێشیلی مافی مرۆڤ دەکەن.
لەدوابەشی باسەکەیدا هووتفێلد وتی، کوردەکان کە لە مافی خۆیان بێبەشن  ژوومارەیان لە ٤٠ میلیۆن زیاترە کە گەورەترین نەتەوەی بێبەشن لە رۆژهەڵاتی ناوەراستدا کە بەسەر ٤ وڵاتدا دابەشکراون، هەربۆیە بۆ جاری دووهەم پێی لەسەر ئەوە داگرتەوە کە حیزبی کرێکارانی نۆروێژ حەول دەدات لەباری سیاسی، دیپلۆماسی و مافی تاکەکان لەگەڵ کورد لەسەر خەت بیت.
دوابەشی کۆبوونەوەکە تەرخان کرابوو بۆ پرسیارو تێبینی بەشداربوان کە لەلایەن وەزیری دەرەوەی وڵاتی نۆروێژ وڵام درانەوە.
شاینی باسە کە هەیئەتی یەکیەتی ژنانی دێموراتی کوردستانی ئێران پێکهاتبوون لە، خاتوو مەحبووب رەحیمی بەرپرسی یەکیەتی ژنان لە دەرەوەی وڵات، خاتوو نەمام زارینفام بەرپرسی یەکیەتی ژنان لە نۆروێژ، خاتوو بێری مەرەسەنە ئەندامی کۆمیتەی نۆروێژ، خاتوو مەدینە فاسیحی ئەندامی کۆمیتەی نۆروێژ و خاتوو حەلیمە ئیسمائیلی ئەندامی کۆمیتەی نۆروێژ.

http://t.me/jinanPDKI