شەوی کوردی بە بۆنەی جێژنی نەتەوەیی نەورۆز لە شاری ئوپسالا

AddThis Social Bookmark Button

شەوی کوردی بە بۆنەی جێژنی نەتەوەیی نەورۆز لە شاری ئوپسالاشەوی شەممە ڕێکەوتی ١٨ ـ ٠٣ ـ ٢٠١٧ بە بۆنەی نەورۆز و سەری ساڵی نوێی ۲۷۱۷ی کوردی‌یەوە بە دەستپێشخەری کومیتەی حیزب و بە هاوکاری کومیتەی ژنانی شاری ئوپسالای سوئێد، ئێوارە خوان و شەو ئاهەنگێکی خنجیلانەی کوردیان پێک هێنا.

سەرەتا لە لایەن بەرپرسی یەکیەتیی ژنانی دێموکراتی کوردستان لە ئوپسالا خاتوو جیهان سالحی‌یەوە بە خێرهاتنی میوانان و بەشداربووانی ئەم شەوەیان کرد و لە هەمان کاتیشدا لە لایەن کۆمیتە حیزب و ریکخراوی ژنانی رۆژهەلات لە ئوپسالا پیرۆز بای نەورۆزیان لە بەشداربوانی مەراسمەکە و سەرجەم گەلی کورد کرد و هیوایان خواست نەورۆزی ئەو ساڵ نەورۆزی شادی هێنەرو مژدە هێنەری ئازادی و یەک رێزی و یەکگرتوویی گەلە بەشخوراو مەینەت دیدەکەمان بیت.
پاشان بە سرودی ئەمرۆژی سالی تازەیە نەورۆزە هاتەوە بە دەنگی هونەرمەندی نەمر حەسەن زیرەک مەراسمەکە دەستی پیکرد. شایەنی باسە بەشدار بوانی ئاهەنگەکە بە خواردنی جوراوجۆری کوردی و جلوبەرگی کوردی و هەروەها هەڵپەڕکێ و موزیکی کوردی ئاهەنگەکەیان رازاندەوە و تا درەنگانی شەو بەردەوام بوو.

youtobe1

لاپەرەی یوتوب لە سەر ماڵپەرەکەمان

youtobe2

لاپەرەی تایبەت بە ساڵەکانی ٢٠٠٩ تا ٢٠١٣

youtobe3