کۆبوونه‌وه‌ی ژنانی سۆسیالیست ئینتێرناسیۆنال له‌ ئاتێن

AddThis Social Bookmark Button

jnan12رۆژانی 28 و 29ی مانگی ژوئه‌ن، شاری ئاتێن له‌ وڵاتی یونان میوانداری کۆبوونه‌وه‌ی سۆسیال ئینتێرناسیۆنالی ژنانی له‌ ئه‌ستۆ‌ بوو. چاره‌نووسی ژنان له‌ وڵاتانی عه‌ره‌بی و به‌ دوای به‌هاری عه‌ره‌بدا، سه‌ردێری کۆبوونه‌وه‌ی گشتی ئه‌مساڵ بوو. دوای بانگهێشتی ریکخراوی ژنانی دێمۆکراتی کوردستان


له‌ لایه‌ن مارڵێن هاس سکرتێری گشتی سۆسیال ئینتێرناسیۆنالی ژنان‌‌، به‌رێزان شه‌هین زادئه‌حمه‌د و گوڵاڵه‌ شه‌ره‌فکه‌ندی به‌ نوێنه‌رایه‌تی یه‌کییه‌تی ژنان له‌ ده‌ره‌وه‌ی وڵات به‌ مه‌به‌ستی خستنه‌ رووی روانگه‌ی حیزب و رێکخراوی ژنان به‌شداری ئه‌م کۆبوونه‌وه‌یان کرد.
کۆبوونه‌وه‌ به‌ په‌یامی ویدئۆیی جۆرج پاپاندرۆ که‌ نه‌یتوانی بوو له‌ سالۆن ئاماده‌ بێت ده‌ستی پێکرد و دواتر ئانتیگۆن کارالی دیمیتریادی جێگری سه‌رۆکی سۆسیال ئه‌نتێرناسیۆنال و موشاویری سه‌رۆک وه‌زیری یۆنان بۆ پرسی ژن له‌ حیزبی پاسۆک میوانانی به‌خێرهێنا و پێداگری له‌ سه‌ر گرینگی چاره‌نوسی ژنان له‌ وڵاتانی عه‌ره‌بی و له‌ پرۆسه‌ی به‌ره‌وه‌ دێمۆکراسیدا کرد. مافی ژنان و دیاری کردنی زه‌مانه‌تێک بۆ مافه‌کانیان به‌ جۆرێک که‌ به‌شداریان و وێسته‌کانیان ره‌نگدانه‌وه‌ی هه‌بێت له‌ داهاتووی ئه‌م وڵاتانه، ئه‌م بابه‌تانه‌ بوون که‌ ده‌بوو بخرێنه‌ به‌رباس و لێکۆڵینه‌وه‌.
پییا لۆکاتێللی سه‌رۆکی سۆسیال ئه‌نتێرناسیۆنالی ژنان دوای سپاسی حیزبی پاسۆکی یۆنان بۆ میوانداری ئه‌و کۆبوونه‌وه‌ ئاماژه‌یه‌کی به‌ بارودۆخی ژنان له‌ وڵاتانی عه‌ره‌بی ناوچه‌ کرد. له راده‌ی مردنی ژنان له‌‌ سودان له‌ کاتی منداڵ بوون دا ده‌ستی پێکرد و گه‌یشته‌ راده‌ی به‌شداری ژنان له‌ ژیانی سیاسی ئه‌م وڵاتانه‌ و ره‌چاو کردنی سیسته‌می کۆتتا که‌ له‌ عه‌ره‌بستان و یه‌مه‌ن و قه‌ته‌ر سیفره‌ و له‌ وڵاتانی وه‌ک به‌حره‌ین و ئێران ته‌نیا 2 له‌ سه‌ده‌ و ئه‌و ئاماره‌ زۆر جێگای مه‌ترسییه‌. باسی ئه‌و وڵاتانه‌ی کرد که‌ به‌ زوویی هه‌ڵبژاردنیان هه‌یه‌ و روون نییه‌ چه‌ند ژن بۆ پۆستی سیاسی خۆیان کاندید کردووه‌ یان چه‌نده‌ شانسی هه‌لبژێردرانیان هه‌یه‌. قسه‌کانی به‌و وته‌یه‌ کۆتایی هێنا ئه‌گه‌ر ئێستا نا، ئه‌دی که‌ی؟
دوای به‌خێرهێنانی میوانان له‌ لایه‌ن هه‌رکام له‌ به‌رێزان ئاننا کارامانۆ ئه‌ندامی پێشووی پارڵمانی ئوروپا و جێگری به‌رپرسی ریکخراوی ژنانی پاسۆک و مارڵێن هاس سکرتێری گشتی سۆسیال ئه‌نتێرناسیۆنالی ژنان، ئه‌مجار مۆنا موکه‌ڕره‌مه‌ ئه‌به‌ید‌، ئۆستادی زانستی سیاسی له‌ زانستگای ئامریکائی قاهیره‌ و یه‌کێک له‌ دامه‌زرێنه‌رانی رێکخراوی میسری مافی مرۆڤ له‌ باسه‌که‌ی خۆیدا ئاماژه‌ی سه‌ره‌کی خسته‌ سه‌ر سێ فاکتۆر که‌ گرینگترینیان ئاماده‌ کردنی ره‌شنووسی بنه‌مای یاسایی ئه‌م وڵاته‌ پێش هه‌ڵبژاردنه‌کان له‌ میسر و به‌ پێی به‌نده‌کانی جارنامه‌ی مافی مرۆڤ به‌ جۆرێک که‌ بتوانێ هه‌موو لایه‌نه‌کان و به‌ تایبه‌ت ئیخوانولموسلیمین به‌و‌ کۆمه‌ڵه‌ بنه‌مای یاساییه پابه‌ند بکا، بوو‌. به‌ واتایه‌ک له‌و پرۆسه‌یه‌دا دیتنه‌وه‌ زه‌مانه‌ته‌کان بۆ پابه‌ند کردنی ده‌وله‌تی داهاتوو به‌ ره‌چاو کردنی هێندێک بنه‌ما بۆ پاراستنی مافی ژنان تیشکی خرایه‌ سه‌ر. ئاماده‌کاری و ئاماده‌یی ژنان بۆ هه‌ڵبژاردنه‌کانی میسر له‌ ئاخری مانگی سێپتامبری ئه‌وساڵدا و چۆنییه‌تی ته‌عامۆل له‌گه‌ڵ پرۆسه‌که‌ هاتنه‌ به‌رباس.

نانا مینت شێکنا له‌ وڵاتی موریتانی که‌ وڵاتێکی ئیسلامییه‌ و حکومه‌تی ئیسلامی هه‌یه‌ و له‌ نێوان ولاتانی عه‌ره‌بی و ئافریقایی هه‌ڵکه‌وتووه‌، وه‌ک به‌رپرسی کۆمیسیۆنی میللی ژنانی ئه‌و وڵاته،‌ له‌ باسه‌که‌ی خۆیدا ئاماژه‌ی به‌ ژیانی سیاسی ژنان له‌و وڵاته‌ له‌ ژێر سایه‌ی ئیسلامێکی نه‌رم (به‌ وته‌ی ئه‌و به‌رێزه)‌ کرد و گرفته‌کانی سه‌ره‌کی ژنانی باس کرد و داوای کرد سۆسیال ئه‌نتێرناسیۆنال له‌ کۆبوونه‌وه‌ی داهاتووی خۆیدا سه‌ری ئه‌م وڵاته‌ بدات و پیوه‌ندییه‌کی چر و پرتر له‌ نێوان ژنانی ئه‌و وڵاته‌ و ئه‌م رێکخراوه‌یه‌ دروست بکرێت.
به‌شداربووان پرسیار و تیبینییه‌کانی خۆیان ئاراسته‌ی پانێل گێران کرد و دواتر له‌ ئێواره‌خوانێکدا میوانداریان لێکرا.
له‌ رۆژی دووهه‌می کۆبوونه‌وه‌کاندا، وه‌فا حاجی، ئه‌ندامی کۆمیسیۆنی پێوه‌ندی بیانییه‌کانی یو ئێس ئێف پی له‌ وڵاتی مه‌راکێش، باسێکی له‌ سه‌ر وه‌زعی ژنان له‌و وڵاته‌ و له‌ ره‌وتی ئاڵوگۆره‌کاندا پێشکه‌ش کرد.
ئه‌مجار هه‌رییه‌ت هه‌رمان له‌ حیزبی کاریگه‌ری بریتانیا له‌ سه‌ر یارمه‌تی به‌ ره‌وتی ئالوگۆره‌کان له‌ میسر و تونیس دوا و چۆنییه‌تی یارمه‌تی دان به‌ ژنان له‌و وڵاتانه‌ بۆ به‌ رێکخراوه‌ بوون و به‌شداری له‌ هه‌ڵبژاردن و ده‌ربرینی ده‌نگی خۆیان و به‌شداری له‌ نووسیان چاره‌ی ئه‌و وڵاتانه‌ له‌ ره‌وتی به‌ره‌وه‌ دێمۆکراسی هێنایه‌ به‌رباس و ئه‌و هه‌نگاوانه‌ی هه‌ڵگیراون و ئه‌و شتانه‌ی له‌و ماوه‌ کورته‌دا ده‌کرێ بیریان لێ بکرێته‌وه‌ و له‌ سه‌ر پێویستی یارمه‌تی ئابووری به‌ ژنان له‌و وڵاتی میسر بۆ بڵاو کردنه‌وه‌ی زانیاری و ئاماده‌کردنیان دوا.
شانتاڵ کامبیوا به‌رپرسی به‌شی ئافریقی سۆسیال ئینتێرناسیۆناڵ له‌ کامێرۆن را له‌ باسه‌که‌ی خۆیدا ئاماژه‌ی به‌و داکیۆمێنت و زانیارییانه‌ کرد که‌ یان له‌ ئارشیودا هه‌ن یان له‌ لای ژنان ئافریقی له‌ رێگه‌ی ته‌جره‌به‌کانیان کۆکراونه‌وه‌ و ده‌کرێ بۆ ژنان له‌ وڵاتانی عه‌ره‌بی به‌که‌ڵک بێن. دواتر ئاماژه‌ی به‌ گرینگی وشیاری له‌ پرۆسه‌ی هه‌ڵبژاردنه‌کان له‌ هێندێک له‌و وڵاتانه‌ کرد و ئه‌و مێکانیزمانه‌ که‌ ده‌کرێ بۆ ئه‌و پرسه‌ که‌لکیان لێ وه‌ربگیرێ.
له‌ به‌شی دانیشتنی وڵاتانی هه‌ر ناوچه‌یه‌، یه‌کییه‌تی ژنانی دێمۆکراتی کوردستان که‌ ده‌که‌وێته‌ به‌شی مێدیته‌رانه، قه‌فقاز و خاورمیانه‌ ‌ی سۆسیال ئه‌نتێرناسیۆنال له‌ گه‌ڵ به‌رپرسی ئه‌و ناوچه‌یه‌ واته‌ ئانتیگۆن کارالی دیمیتریادی و رێکخراوه‌کانی سه‌ر به‌و ناوچه‌یه‌ کۆبوونه‌وه‌. له‌و به‌شه‌دا گرینگترین بابه‌ت بۆ هه‌رکام له‌و رێکخراوانه‌ و له‌ وڵاته‌کانی خۆیان و له‌ به‌رنامه‌یان بۆ 3 مانگی داهاتوودا باسکرا.
دواتر له‌ کۆبه‌ندی باسه‌کانی کۆبوونه‌وه‌ی گشتیدا، له‌ به‌شی ئه‌و بابه‌تانه‌ که‌ ده‌بێ سۆسیان ئه‌نتێرناسیۆنالی ژنان له‌ به‌رنامه‌ی داهاتووی خۆیدا بیگونجێنێ، نوێنه‌رایه‌تی یه‌کییه‌تی ژنانی دێمۆکراتی کوردستان پێداگری له‌ سه‌ر پێویستی به‌ره‌وروو بوونه‌وه‌ی توند ئاژۆیی ئیسلامی له‌ ناوچه‌ و پشتگیری له‌ ژنان و له‌ مافه‌کانیان له‌و ولاتێک وه‌ک وڵاتی ئێران دا کرد و داوای پشتگیری بۆ مه‌سه‌له‌ی ژنی کورد و پێناسه‌ و مافه‌کانی خسته‌ روو و باسی ژنانی زیندانی کرد و له‌ پێویستی ئاوروودانه‌وه‌ و لێپرسینه‌وه‌ دوا. هه‌روه‌ها ئاماژه‌‌ی به‌ گرفتی ده‌ست درێژی به‌ کۆمه‌ڵ که‌ ئێستا له‌ ئێران به‌ به‌رینی به‌ دژی ژنان له‌ ئارا دایه‌، کرد.
له‌ کۆتاییشدا ئاره‌زووی کرد ژنان له‌ وڵاتانی عه‌ره‌ب له‌ ته‌جره‌به‌‌ی ژنانی ئێرانی ده‌رس وه‌رگرن و خۆیان تووشی چاره‌نووسی هاوشێوه‌ نه‌که‌ن.
له‌ به‌شی کۆتاییدا ئه‌و قه‌تعنامه‌یه‌ که‌ بۆ پشتگیری له‌ ژنان له‌ وڵاتانی عه‌ره‌بی له‌ لایه‌ن سۆسیال ئه‌نتێرناسیۆنالی ژنان ئاماده‌ کرابوو، به‌ له‌ به‌رچاو گرتنی تێبینییه‌کان ئاماده‌بوان، په‌سه‌ند کرا.

 

jnan1

youtobe1

لاپەرەی یوتوب لە سەر ماڵپەرەکەمان

youtobe2

لاپەرەی تایبەت بە ساڵەکانی ٢٠٠٩ تا ٢٠١٣

youtobe3