ungdomsstyrelsen

په‌یامی یه‌کیه‌تیی ژنانی دیموکراتی کوردستان به‌ بۆنه‌ی 25 ساڵه‌ی شه‌هیدبوونی د. قاسملووی نه‌مره‌وه

AddThis Social Bookmark Button

په‌یامی یه‌کیه‌تیی ژنانی دیموکراتی کوردستان به‌ بۆنه‌ی 25 ساڵه‌ی شه‌هیدبوونی د. قاسملووی نه‌مره‌وهخوشک و برایانی به‌ڕێز!
میوانانی ئازیز!
ژنانی خه‌باتگێڕ و مافخواز!
ئێمه‌ لێره‌ کۆبووینه‌وه‌ تاکوو رێز له‌ یاد و بیره‌وه‌ریی گه‌وره‌پێاوی ناوداری کورد د. عه‌بدوالره‌حمانی قاسملوو بگرین

که‌ 25 ساڵ له‌وه‌ پێش که‌وته‌ به‌ر گولله‌ی رق و کینی تێرۆریزمی ده‌وڵه‌تیی کۆماری ئیسلامیه‌وه‌. 25 ساڵ له‌و غه‌دره‌ مێژوویه‌ تێده‌په‌ڕێ به‌ڵام فه‌زای له‌ده‌ستچوونی د. قاسملوو هه‌روا به‌سه‌ر کوردستاندا زاڵه‌. وا دیاره‌ یاد و ناوی قاسملوو هه‌رگیز تۆزی فه‌رامۆشیی له‌سه‌ر نانیشێ و له‌ بیر و زه‌ینی نه‌سله‌کانی داهاتووشدا هه‌ر به‌ نه‌مری ده‌مێنێته‌وه‌.
به‌ێزان!
یه‌کیه‌تیی ژنان به‌ تایبه‌تی و ژنان له‌ ئێران و کوردستاندا زۆر قه‌رزداری د. قاسملوون. مه‌سه‌له‌ی ژن و دیفاع له‌ مافه‌کانی ژنان له‌و مه‌سه‌لانه‌ن له‌ له‌ کۆنه‌وه‌ چ له‌ به‌رنامه‌ی حیزبه‌که‌ی د. قاسملوو که‌ بۆخۆی مامۆستاو داڕێژه‌ری بوو، چ له‌ وتار و وتووێژه‌کانیدا قه‌ت غایب نه‌بووه‌. له‌ کتێبه‌که‌یدا (چل ساڵ خه‌بات له‌ پێناوی ئازادیدا) زۆر به‌ جوانی ئاوڕی له‌ بارودۆخی ژنان له‌ کۆماری کورستان داوه‌ته‌وه‌ و دامه‌زرانی یه‌که‌تیی ژنان به‌ ده‌سکه‌وتێکی گرنگی کۆمار ده‌زانێ. د. قاسملوو له‌ دامه‌زراندنه‌وه‌ی یه‌که‌تیی ژنانیشدا یارمه‌تیده‌ر و مامۆستایه‌کی شێلگیر بوو.

د. قاسملوو خه‌باتی ژنانی له‌ په‌نا خه‌باتی سیاسی و چه‌کداری به‌ شێوه‌یه‌ک له‌ شێوه‌کانی خه‌بات داده‌نا. له‌ ژێر کاریگه‌ری و رێبه‌رایه‌تیی ئه‌و دابوو که‌ له‌ حیزبی دیموکراتدا ژنان جگه‌ له‌وه‌ی که‌ وه‌ک ئه‌ندام یان پێشمه‌رگه‌ کاریان کردوه‌ کار ده‌که‌ن، به‌ڵکوو له‌ ئۆرگانه‌کانی حیزبدا له‌ خواره‌وه‌ تا رێبه‌ری حوزووریان هه‌یه‌ و خزمه‌ت به‌ نه‌ته‌وه‌که‌یان ده‌که‌ن. ته‌نانه‌ت ژنان له‌ کوردستان له‌ دژوارترین شێوه‌کانی خه‌بات واته‌ خه‌باتی پارتیزانیدا به‌شدار بوون. ره‌نگه‌ یه‌که‌م جار له‌ حیزبی دیموکراتی کوردستاندا بێ که‌ پێشمه‌رگه‌ی ژن له‌ سه‌نگه‌ری هه‌ره‌ پێشه‌وه‌دا شانبه‌شانی برا پێشمه‌رگه‌که‌ی خوێنی پاکی پێشکێش به‌ باره‌گای ئازادی و نیشتمانه‌که‌ی کردبێ که‌ دیاره‌ ژماره‌ی ئه‌و ژنانه‌ش که‌م نین. میلله‌تێک که‌ کوڕان و کچانی و، ژنان پیاوانی ئاوا شانبه‌شانی یه‌ک بگه‌ن به‌ لووتکه‌ی خه‌بات و تێکۆشان، له‌ به‌یانیی ئازادیدا ناتوانێ شاهیدی فه‌رق جیاوازیی نێوان ژانان و پیاوانی بێ.

یه‌کیه‌تیی ژنانی دیموکراتی کوردستان وێڕای ده‌ربڕینی نه‌فره‌ت له‌ تێرۆریزمی ده‌وڵه‌تیی کۆماری ئیسلامی و ئه‌و تێرۆریستانه‌ی که‌ ئێستاش ده‌سه‌ڵاتی واقعیی کۆماری ئیسلامیان به‌ ده‌سته‌، له‌ یاد و بیره‌وه‌ریی 25 ساڵه‌ی شه‌هیدبوونی د. قاسملوو دا سه‌ری رێز بۆ گیانی پاکی داده‌نوێنێ و رێز له‌و خزمه‌ته‌ بێوێنانه‌یه‌‌ی ده‌گرێ که‌ به‌ نه‌ته‌وه‌ی کورد به‌ گشتی و به‌ ژنانی سته‌ملێکراوی کورد به‌تایبه‌تی کردوونی.

سڵاو له‌ گیانی پاکی د. قاسملووی نه‌مر و هه‌موو شه‌هیدانی کوردستان.

یه‌کیه‌تیی ژنانی دیموکراتی کوردستان

21ی پووشپه‌ڕی 1393(12ی ژووئیه‌ی 2014)

youtobe1

لاپەرەی یوتوب لە سەر ماڵپەرەکەمان

youtobe2

لاپەرەی تایبەت بە ساڵەکانی ٢٠٠٩ تا ٢٠١٣

youtobe3